Врз основа на базната картичка од претходната фаза, креираме стратегија за натамошен развој на спортистот. Ова не е генерички план, туку модел прилагоден на конкретните измерени вредности, спортот, позицијата и целите што спортистот и тренерот сакаат да ги постигнат.
Прогностичкото моделирање овозможува однапред да се предвиди очекуваната патека на напредок — колку реално може да се очекува подобрување во дадениот период, и кои се ризиците што може да го успорат или да го загрозат тој напредок (асиметрии, прекумерен замор, неадекватно оптоварување).
Резултатот од оваа фаза е јасна стратегија со дефинирани приоритети, што служи како основа за сѐ што следува на терен — без претпоставки и без генерички планови што не ги земаат предвид индивидуалните карактеристики на спортистот.